dil Mein Khayalat-E-Rangin Guzarte Hain Jiyun Boss Phulon Ke Rangon Mein Rahiye

Siraj Aurangabadi

dil men khayalat-e-rangin guzarte hain jiyun boss phulon ke rangon men rahiye

vahshat ke jangal men kab lag pareshan ho gham ke bharon ke sangon men rahiye

jo koi ki hai dasht vahshat ka sakin use hosh ke shahriyon se hai nafrat

ye divangi ka nipat khuub aalam hai zanjir ki ja ulangon men rahiye

pindar-e-hasti sen vahmi khayalon ne kasrat ki tohmat lagae hain nahaq

dar-asl men josh-e-tufan-e-vahdat hai jiyun mauj-e-dariya umangon men rahiye

is sarv-qamat ke josh-e-mohabbat men az-bas ki azad sab sen hua huun

manind-e-qumri badan kuun laga ra kah yaahu ke dam bhar malangon men rahiye

nahaq ‘siraj’ ah-e-hasrat ki atish sen har dam men sau baar jumban sabab kiya

yakbar shoale pe girne ki tarhon kuun maalum karne patangon men rahiye