Sheikh Ibrahim Zauq
maar kar tiir jo vo dilbar-e-jani mange
kah do ham se na koi de ke nishani mange
ai sanam dekh ke har dam ki tiri kam-sukhani
maut ghabra ke na kyuun ye khafaqani mange
khaak se tishna-e-didar ke sabza jo uthe
to zaban apni nikale hue paani mange
mar-e-pechan to bala haiga magar tu ai zulf
hai vo kafir ki na kaata tira paani mange
dahan-e-yar ho aur mange kisi se dil ko
vo jo mange to ba-andaz-e-nihani mange
dil mira bosa-ba-paigham nahin hai hamdam
yaar leta hai to le apni zabani mange
jalva us alam-e-maani ka jo dekhe ai ‘zauq’
lutf-e-alfaz na be-husn-e-maani mange
Leave a Reply