Poet
dekh kya teri judai men hai halat meri
koi pahchan nahin sakta hai surat meri
main tire husn ka khalvat men tamashai huun
aina siikh na jaae kahin hairat meri
aap ne qatl kiya khair gila mujh ko nahin
apne kuche men to banvaiye turbat meri
khatt-e-peshani men saffak azal ke din se
teri talvar se likkhi hai shahadat meri
de ke ik bosa ajab naaz se dilbar ne kaha
ai ‘shabab’ aaj ye tujh par hai inayat meri
Leave a Reply