Poet
ishq karne men dil bhi kya hai shokh
saikadon men se ik chuna hai shokh
ye bhi shokhi nai nikali hai
aaj dushman se kuchh khafa hai shokh
apni ankhon men raat din rakh kar
main ne khud us ko kar diya hai shokh
ashk-e-khun mere dekh kar bole
is se to kuchh miri hina hai shokh
aankh se gir ke god men machla
tifl-e-ashk aisa ho gaya hai shokh
bosa har vaqt rukh ka leta hai
kis qadar gesu-e-dota hai shokh
chhedti hai tumhare zulfon ko
kis bala ki magar saba hai shokh
bar men aina ke liya na qarar
jan-e-man aks bhi tira hai shokh
phir gai duur se dikha ke jhalak
hijr men ai ‘sakhi’ qaza hai shokh
Leave a Reply