Marg-E-Aghyar Lab Pe La Na Saka

Poet

marg-e-aghyar lab pe la na saka

vo qasam huun jo yaar kha na saka

is qadar zoaf tha ki tera naaz

thi tamanna magar utha na saka

mar ke thanda kahin na ho jaae

is liye vo mujhe jila na saka

bukhl dekho to meri turbat par

ek aansu bhi vo gira na saka

uth na jaae raqib mahfil se

mujh ko pahlu men vo bitha na saka

tha jo ashk-e-aziz khatir men

dida-e-tar mujhe baha na saka

husn tera vo mah-e-taban tha

abr-e-gesu jise chhupa na saka

dar-e-fani maqam-e-laghzish hai

koi apna qadam jama na saka

na mila koi vaqt-e-tanhai

hal-e-dil yaar ko suna na saka

janta tha pade rahenge vahin

is liye yaar ghar bata na saka

na mana lad ke vo bahut chaha

aise bigde ki phir bana na saka

dekh kar bad-dimaghiyan un ki

nama-bar khat mira padha na saka

kis tarah arz-e-muddaa karta

ghair ko paas se hata na saka

arzu-mand rah gaya majnun

mere aage farogh pa na saka

kiina shauq-e-raqib tha ai dost

ki tabiat se teri ja na saka

kya nadamat hui hai qatil se

naz-e-khanjar gulu utha na saka

khauf tha ghash unhen na aa jaae

main shigaf-e-jigar dikha na saka

na-tavan tha ‘nasim’ is darja

ki vo zanjir-e-pa hila na saka