Poet
havas ye rah gai dil men ki muddaa na mila
bahut jahan men dhundha par ashna na mila
hua hai kaun sa maashuq ba-vafa ai dil
gila abas hai agar vo mila mila na mila
ajiib qismat-e-bad thi shab-e-firaq men ham
kamal dhundh phire khana-e-qaza na mila
na de tu haath se huun zoaf se main rang-e-hina
hava-e-shauq-e-fana men jahan uda na mila
javab degi bhala roz-e-baz-purs to kya
uda uda ke hamen khaak men saba na mila
vo kushta-e-nigah-e-qahr tha ki mahshar men
mire jalane ko ahkam-e-dil-ruba na mila
ghariq-e-bahr-e-sitam umr ki hui kashti
bahut sa ham ne pukara pa na-khuda na mila
kamal-o-aish-o-javani-o-mulk-o-mal-o-tarab
ye sab mile hamen par yaar ba-vafa na mila
ajiib josh-e-junun men hui thi pamali
ki ek aabla tak dost-dar-e-pa na mila
chubhe hazar tamanna se kyuun na be-khatke
ki khaar ko koi ham sa barahna-pa na mila
bahut si karte rahe bagh-e-dahr men gul-gasht
par apne bulbul-e-dil ko ‘nasim’ sa na mila
Leave a Reply