Mushafi Ghulam Hamdani
band bhi ankhon ko zari kijiye
chand pareshan-nazari kijiye
ik nazar idhar bhi zari kijiye
gar nahin achchhi, nazari kijiye
dil ke evaz dijiye bosa hi ek
khuub nahin muft-bari kijiye
aine men dekhiye mukhda miyan
aine ko rashk-e-pari kijiye
gar nahin qasid to badal kar ke bhes
aap hi paighambari kijiye
qadar hunar ki jo hui dekh li
ab hunar-e-be-hunari kijiye
kaun hai in baton ka maane miyan
khuub si bedad-gari kijiye
dil ki kuchh us ku se na aai khabar
matam-e-yar-e-safari kijiye
‘mushafi’ hai vaqt-e-vida-e-jahan
misl-e-charagh-e-sahari kijiye
Leave a Reply