Haal Ab Tang Hai Zamane Ka

Poet

haal ab tang hai zamane ka

rang be-rang hai zamane ka

nahin kotah us ka dast-e-talab

ye gada nang hai zamane ka

ek dam chain se na koi rahe

yahi ahang hai zamane ka

sarkashon ka raha na nam-o-nishan

zor-e-sar chang hai zamane ka

ai jafa-kar dahr men tujh bin

kaun ham-sang hai zamane ka

jhuut main ne kaha tire hathon

qafiya tang hai zamane ka

chal nikal jald yaan se ai ‘joshish’

dhang be-dhang hai zamane ka