Insha Allah Khan Insha
hain jo muravvaj mehr-o-vafa ke sab sar-rishte bhuul gae
phir gae tum to qaul-o-qasam se apne navishte bhuul gae
jab dekho tab lathi thenge khat khat karte phirte hain
udte hain koi shaikh-ji sahab un ko farishte bhuul gae
ahle-gahle phirte ho sahab sair-e-chaman men aur tumhen
apne tadapte zakhmi sab khuun men aghushte bhuul gae
qazi-jiyo ke donon bete ham se kahenge hai vo masal
ghar men farishte ke kharishte so kharishte bhuul gae
nasl badi aadam ki ‘insha’ kaun kisi ko pahchane
bais-e-kasrat ham digar ke nate-rishte bhuul gae
Leave a Reply