Hatim Ali Mehr
khul gaya un ki masihai ka aalam shab-e-vasl
mera dam band hai dete hain mujhe dam shab-e-vasl
jeb ke purze ude phat gai mahram shab-e-vasl
mere un ke raha kuchh aur hi aalam shab-e-vasl
ji men hai kahiye moazzin se ye hamdam shab-e-vasl
yuun na chikha karo ai qibla-e-alam shab-e-vasl
vo na soe hon juda ya na lade hon ham se
is tarah ki hui sohbat to bahut kam shab-e-vasl
subh hote hi mujhe ashkon se munh dhona hai
mujh se ankhen na chura dida-e-pur-nam shab-e-vasl
Leave a Reply