Poet
kab tasavvur yar-e-gul-rukhsar ka feal-e-abas
ishq hai is gulshan-o-gulzar ka feal-e-abas
nikhat-e-gasu-e-khuban ne kiya be-qadr use
ab hai sauda nafa-e-tatar ka feal-e-abas
rishta-e-ulfat rag-e-jan men buton ka pad gaya
ab ba-zahir shaghl hai zunnar ka feal-e-abas
arzu-mand-e-shahadat ashiq-e-sadiq hue
ghair ko dar hai tiri talvar ka feal-e-abas
jab dil-e-sangin-dilan men kuchh asar hota nahin
girya hai is dida-e-khun-bar ka feal-e-abas
khvab men bhi yaar ko is ka khayal aata nahin
jagna tha dida-e-bedar ka feal-e-abas
khali-az-hikmat hua ‘bahram’ kab fel-e-hakim
kaam kab hai davar-e-dadar ka feal-e-abas
Leave a Reply