Poet
kuchh bhi nahin hai paas tumhari dua to hai
is shahr-e-be-charagh men ik aasra to hai
hathon men mere chand sitare nahin to kya
dil men tire yaqin ka raushan diya to hai
raste ki mushkilon se hirasan hai kis liye
jis ka nahin hai koi bhi us ka khuda to hai
kis se chhupa raha hai tu dil ki kahaniyan
vo hal-e-roz-o-shab se tire ashna to hai
‘anjum’ kisi se laakh bahane kare magar
lekin bichhad ke tujh se vo bikhra hua to hai
Leave a Reply