Poet
husn ki fitrat men dil-azariyan
us pe zalim nit-nai tayyariyan
muttasil tifli se aghaz-e-shabab
khvab ke aghosh men bedariyan
soch kar un ki gali men jaae kaun
be-irada hoti hain tayyariyan
dard-e-dil aur jan-leva pursishen
ek bimari ki sau bimariyan
aur divane ko divana banao
allah allah itni khatir-dariyan
bandh raha hai ai ‘raza’ rakht-e-safar
ho rahi hain kuuch ki tayyariyan
Leave a Reply