Poet
ja ladi yaar se hamari aankh
dekho kar baithi faujdari aankh
shokhiyan bhuul jaae ahu-e-chin
dekh paae agar tumhari aankh
laakh inkar mai-kashi se karo
kahin chhupti bhi hai khumari aankh
hovega ranj ya khushi hogi
kyuun phadakne lagi hamari aankh
janib-e-dar nigah-e-hasrat hai
kis ki karti hai intizari aankh
kar ke iqrar ho gaya munkir
samne aa ke kis ne maari aankh
murgh-e-dil par nigah hai un ki
aisi dekhi nahin shikari aankh
hai sitam nok-jhonk chitvan men
lad rahi hai chhuri katari aankh
dil jigar donon ho gae majruh
ban gai hai chhuri katari aankh
koi dam men ubharte hain use
us ne dekha ki ham ne maari aankh
‘agha’ sahab tumhare dilbar ki
kya rasili hai kya hai pyari aankh
Leave a Reply