[poetrazi]

tayray bin mera jeewan fasaana sa hay
yeh naya saal kitna puraana sa hay

bay zameeN ko zameeN kha rahi hy yahan
bay nishan hi to is ka nishaana sa hay

ghaar k daur main ji rahay hain abhi
yeh zamana to pehla zamana sa hay

dhool hi dhool hay aaj chaaron taraf
aur wo kehtay hain manzar suhana sa hay

yeh jo shaakhon main sholay bharraktay hain ab
in main daykho koi aashiaana sa hay

mayray ashkon pay hansnay lagain gay sabhi
jaanat hoon yahan muskraana sa hay

baat karna bhi mumkin nahin ab razi
saans layna bhi ik taaziaana sa hay

razi-ud-din razi