main ik kaaghaz ka tukrra hoon

[poetrazi]

Main ik kaaghaz ka tukrra hooN
Keh jis k ik taraf janaaN bohat say naam likhay haiN
Phir un mit_tay huay bayrang naamoN par
Jali harfoN sy ujla sa tumhaara naam likha hy
Aur us k doosri jaanib koi payghaam likha hy
Tumharay naam likha hay
Mujhay tum gum nahiN karna

Agar chaaho to kaapy(coppy) ya kisi bhi dairy maiN ik nishaani ban k reh looN ga
Kisi nakaam chahat ki nishani ban k reh looN ga
K gar tanhaai main chaaho mujhay kholo ,parho aur phir wahiN rukh do
Yeh tum par munhasir ho ga mujhay chaahay kahiN rukh do
Agar chaaho to apnay dil maiN hi mujh ko jagah dayna
KahiN ghazloN ya shayroN ki kitaaboN maiN saja dayna
Mujhay tum gum nahiN karna

Mujhay tum roz mat parrhna
Keh mumkin hy kabhi mayri koi boseeda teh mujh say alag ho kar tumharay haath aa jaay
Zamaany k labon par phir yoonhi koi baat aa jaay

MaiN aysa phool hooN jis ko kisi nay apnay haathoN sy
kisi tehni sy torra tha
barri shiddat sy chooma tha
main un haathoN ki aur hontoN ki hiddat bhi abhi mehsoos karta hooN
mujhay tum gum nahiN karna

mujhay tum ny utha kar aaj zulfon main sajaaya hy
labon sy bhi lagaya hy
tumhaari dastaras main hooN to ab paymaan maiN rakhna
agar mumkin na ho to phir bhi tum imkaan maiN rakhna
mujhay guldaan main rakhna

main aysa khaab hooN jis ko kai aankhon ny daykha tha
bohat baykhaab aankhaiN theeN
mujhay taknay ki khaahish maiN na ik pal bhi jhapakti theeN
mujhay tum aankh main rakhna
mukamal daastaN ka ik adhoora baab mut karna
mujhay bay khaab mat karna

kaai haathoN , kai hontoN
kitaaboN ,kaapioN ,aankhoN k rustay ab
tumhaaray paas aaya hooN
mujhy tum dairy,guldaan main ,aankhoN main ya dil main
jahaN chaho jaga dayna
magar bas gum nahin karna

[Tzaheer]

Biradaram Razi saheb,
Aap ki shayari parhi aaj. "Aap ki nazm "KAGHAZ KA TUKRHA" bohat pasand aaee. Baqi ka kalaam baad meN parhooN ga. Ek taza nazm meN neN aaj hi post ki hey. Aap ki raey ka intizaar rahey ga. Ummed hey sab mutaalaqeen khair o aafiyat sey hooN gey.
Tashie Zaheer

[mystique]

bahot hi zabardast..........aap ki ghazlain bhi bahot pyari hain magar nazmon ka tou jawaab hi nahin......

[poetrazi]

Originally Posted by Tzaheer

Biradaram Razi saheb,
Aap ki shayari parhi aaj. "Aap ki nazm "KAGHAZ KA TUKRHA" bohat pasand aaee. Baqi ka kalaam baad meN parhooN ga. Ek taza nazm meN neN aaj hi post ki hey. Aap ki raey ka intizaar rahey ga. Ummed hey sab mutaalaqeen khair o aafiyat sey hooN gey.
Tashie Zaheer

taashie bhai aap ki is raay par main itnay arsay baad reply kar raha hoonk is doraan aap k saath pakistan main mulaqaat bhi ho gaai
aap jaantay hain main kuch arsay k liay lahore chala gia tha ab wapis multan aa gia hoon
nazm pasand karnay ka shukria
thanx
razi

[poetrazi]

Originally Posted by mystique

bahot hi zabardast..........aap ki ghazlain bhi bahot pyari hain magar nazmon ka tou jawaab hi nahin......

bohat shukria is bhar poor daad ka
razi

[Shyam Narain Verma]

Bohat umdat Janab

[poetrazi]

Originally Posted by Shyam Narain Verma

Bohat umdat Janab

nazm pasand karnay ka shukria
razi

[swaira]

zaberdast feelingzz

mujey bas gum nahi kerna

[dashingasad]

great poetry jinaaab ,, bohat khooob

[poetrazi]

Originally Posted by swaira

zaberdast feelingzz

mujey bas gum nahi kerna

boht shukria sawayra ji
razi