manzar to achanak hi badalta hy

[poetrazi]

kaha bhi tha k manzar to achanak hi badalta hy
kaha bhi tha k mosam to achanak hi badalta hy
bataya tha k pasti ka safar aghaaz ho jaay
to kitni hi bulandi ho
ya mansab jaah o hasti ho
bas ik lamhay main (han bas aik hi lamhay main )
sab kuch is tara sy khatm hota hy
k jaysay aag paani sy
k jasay koi shehzada
nikal jaay kahani sy
........
kaha bhi tha k daya ko isi dhaaray main behnay day
kaha bhi tha k hum jis haal main rehtay hain rehnay day
bataya tha charaagh aandhi sy bujh jaain
to aankhon main diay kuch timtimaatay hain
sitaaray maand parr jaain
to khud sooraj nikalta hy
koi munh zor girta hy
koi gir kar sambhulta hy
.......
kaha bhi tha k har manzar ka pusmanzar to hota hy
agar deewaar ban jaay to us main dur to hota hy
kaha bhi tha k har mosam k daaman main naay mosam to hotay hain
jahan koi nahin hota wahan par humto hotay hain
bataya tha k har aaghaaz ka jis morr par anjaam hota hay
usi anjaam say ik raasta aagay nikulta hy
wahin manzar badalta hy
wahin mosam badalta hy

[mystique]

khoobsurat............

[poetrazi]

Originally Posted by mystique

khoobsurat............

shukria janab

[Shyam Narain Verma]

Bohat Khoob Janab

[msalman]

Bohat umdah janab............

[asifshahzad]

buhat umdha sharing

[poetrazi]

Originally Posted by Shyam Narain Verma

Bohat Khoob Janab

verma ji shukria nazm pasand karnay ka
razi

[poetrazi]

Originally Posted by msalman

Bohat umdah janab............

salman sahib bohat nawazish aap ki
razi

[poetrazi]

Originally Posted by asifshahzad

buhat umdha sharing

shukria asif bhai
razi