sitaaray mill nahin saktay

[poetrazi]

ajab din thay muhabat kay
ajab mosam thay chaahat kay
kabhi gar yaad aa jaain
to palkon par sitaaray jhilmilaatay hain

kisi ki yaad main raaton ko aksar jaagna
maamool tha apna
kabhi gar neend aa jaati
to hum yeh soch laytay thay
abhi to woh hamaaray waastay roya nahin ho ga
abhi soya nahin ho ga
abhi hum bhi nahin rotay
abhi hum bhi nahin sotay

so phir hum jaagtay thay aur us ko yaad kartay thay
akaylay bayth kar weeran dil abaad kartay thay

hamaaray saamnay taaron kay jhurmat main akayla chaand hota tha
jo us kay husn kay agay bohat hi maaand hota tha
falak par raks kartay an ginat roshan sitaaron ko
jo hum tarteeb daytay thay to us ka naam banta tha


hum aglay roz jab miltay
to guzri raat ki har baykali ka zikr kartay thay
har ik kissa sunaatay thay
kahn kis wak or kaysay yeh dil dharka bataatay thay

main jab kehta keh jaanan aaj to main raat ko ik pal nahin soya
to woh khaamosh rehti thee
par uski neend main doobi hui do jheel si aankhin achaanak bol uthti theen

main jab us ko bataata tha
keh main nay raat ko roshan sitaron main
tumhaara naam daykha hay
to woh kehti
razi tum jhoot kehtay ho
sitaaray main nay daykhay thay
or in roshan sitaaron main tumhaara naam likha tha

ajab maasoom larki thee
mujhay kehti thee
lagta hay keh ab apnay sitaaray mil hi jaain gay
magar us ko khabar kia thee
kinaaray mill nahin saktay
muhabat ki kahaani main
muhabat karnay waalon kay
sitaaray mil nahin saktay

[mystique]

behad khoobsurat sharing....one of my most favt. nazm

[poetrazi]

Originally Posted by mystique

behad khoobsurat sharing....one of my most favt. nazm

shukria k aap ny meri nazm ka shumaar apni pasandeeda nazmon main kia
raziuddin razi