[Brijinder]

Insaniyat kay rakhwaloN ki nazar

TanhaioN maiN abhi bhi
Zinda hai jazba-e-insaaN
Bhar jata saaNs jo
Dum torti sadaqat maiN
Aur nighaiN umeed ki
Phir say khwaab buna karti haiN

Tujh sa jab bhi koi
Mil jata hai rah-e-ziNdagi pay
Phir say sar uthanay lagti haiN
Raakh hoti si baghawataiN
Woh dard jisay sula aayaa tha maiN chupchap
Woh dard aaj phir kasmasata hai

Aur nasl-e-adam ko bhi to
Azal say har baar
Milta raha hai kuch isi wajah say
Phir phir say jeenay ka maqsad
------------------------