dekh to dil ki jaaN se uThtaa hai
yah dhuvaaN kahaaN se uThtaa hai
gor kis diljale kii hai yah falak
shola ek subah yaaN se uThtaa hai
naala sar khiiNchtaa hai jab meraa
shor ek aasmaaN se uThtaa hai
laDtii hai uskii chashm-e-shoKh jahaaN
ek aashob vaaN se uThtaa hai
baiThne kaun de hai phir usko
jo tere aastaaN se uThtaa hai
ishq ek Meer bhaarii patthar hai
kab yah tujh naatavaaN se uThtaa hai