[muzrulz]

Bohat Hi Yaad Aata Hai Mere Dil Ko Tarpaata Hai

Who Tera Paas Na Hona Bohat Mujh Ko Rulaata Hai

Who Mera Teri *Aankhon* Ke Samandar Main Uttar Jaana

Aur Teri Muskurahat Ke Bhanwar Main Doobte Jaana

Teri Awaaz Ke Saher Se Na Nikal Paana

Tujh Ko Dekhna Aur Be-Khudi Se Dekhte Jaana

Bohat Chaha In Guzre Hue Lamhon Ko Na Sochoon

Na Teri Yaad Main Reh Ke Tere Saath Ka Sochoon

Bhoola Doon Saari Yaadon Ko Ke Jin Se Dil Tarapta Hai

Ke Jin Se Tais Utth It Hai Ke Jin Se Dard Hota Hai

Magar Jab Raat Aati Hai To Teri Yaad Aati Hai

Tere Hi Khuwaab Hote Hain Teri Hi Baat Hoti Hai

To Tay Paaya Ab Mumkin Nahi Tujh Ko Bhoola Dena

Teri Yaad Main Rehna Tujhe Hi Sochte Rehna

Tujhe Jab Yaad Karte Hain To Dil Apna Tarapta Hai

Who Tera Paas Na Hona Bohat Mehsoos Hota Hai