Tere Nain Kanwal

[Tahir Adeem]

A Ghazal from my new book "TERE NAIN KANWAL"
------------------------------------------------------------

TERE NAIN KANWAL (Tahir Adeem, Germany)
Khud jaate hain Alfaaz main dhhal Tere Nain Kanwal
Main likhta nahin likhte hain ghazal Tere Nain Kanwal

Shadaab , shafiq , shagufta hain , shabnam bhi hain
Sachhal,suchhe ,sachhe hain, sajal Tere Nain Kanwal


Nadaan , kanar - e - wasl gurezaan rehte hen
Aur hijr main karte hen jal thal Tere Nain Kanwal

Mashoor jab hone lagta hun main baaton se
Tab jaate hen ye baat badal Tere Nain Kanwal

Is dunya men hai jheel se gehri zaat meri
Aur jheel men hain bas do hi Kanwal Tere Nain Kanwal

Har bhed hai mere dil ka in se wabista
Hen meri har ik mushkil ka hal Tere Nain Kanwal

Ho hijr ki talkhi ka ya wasl ke resham ka
Har mosam men hain jaan atal Tere Nain Kanwal

Betaab sa ho kar in ko chhoona chaahun to
Mujhe kehte hain abhi aur machal Tere Nain Knawal

Har dhoop main mujh par saaya hai teri palkon ka
Mere saath safar main hain pal pal Tere Nain Kanwal

Har zakhm pe TAHIR pyaar ka marham rakhte hain
Jab jism mera hota he Shal Tere Nain Kanwal

[Editor]

Bohat Khoob Janab Tahir Adeem - Regards, Editor Urdu Poetry Forum...

[Tahir Adeem]

Nawazish....