mujhay to ye hunar bilkul nahin aata...!

[kanwal Hussain]

Asalam-o-alikum
aik taweel gher hazri k bad hazir hoi hon aap ki raye ka intizaar rahay gakhush rahin aabad rahin..{Aamin}
suno piyaray......!
mujhay maloom hai
aasan lagta hai tumahin
rahain badal lena
koi bhi mor mur jana
kisi manzil ko thokar maar kar
wapis chalay anaa
ya manzil ko
bohat nazdeek lay aana
mujhay maloom hai piyaray
bohat aasan hai
tum ko palat jana
mujhay dekho
mujhay samjho.
ye dekho aankh rona chahti hai
phir bhi ..... banjr hai
ye dekho hath
kitnay sard hain meray
ye dekho dil ki dhadkan
kis trah tarteeb kho kr
dobnay ko hai
ye dekho..mera anchal
meray hathon se
phisal kar urr gia
kab ka
ye dekho sans ki dori
bhi mujh se chotnay ko hai
meray ehsas ka resham
ulajh kar totnay ko hai
mujhay to ye hunar
bilkul nahin aata
k kesay apnay zakhmon ko chupatay hain
ya kesay dard ko darmaaN banatay hain
ya kesay..rothati sanson ka daamn thaam kar
wapis bulatay hain..
inhain kesay manatay hain
mujhay bilkul nahin aata
k kesay apnay mar janay ka
noha likha jata hai
ya apnay he galay lag kar
dilasa kesay detay hain
phir apni lash ko
kesay kisi payaab darya
ya kisi ki adh bujhi taza chita
main jhoonk detay hain
ya phir aakash k neechay
khula he chour detay hain
mujhay bilkul nahin aata
k kesay zard mosam main
koi ghuncha khilatay hain
ya kesay aadhay rastay se
gharon ko loat jatay hain
mujhay bilkul nahin ata...
mujhay bilkul nahin aata..........

[Ali Jee]

bohat cute sharing de hey app ney sister ....... ayte jate raha karin .......

Ali

[asifshahzad]

buhat umdha sharing

[whsyal]

pasand aai.......!