[saeedkhan]

Ishq hasil ho to ek roz kashish kho ke rahey
Kiya zroori hai meri jaan tu meri ho ke rahey

Hum se be-samt musafir ka bhrosa kiya hai
Rah kho-e to kabhi shauq-e-safar kho ke rahey

Jab hamein dasht-e-judae ka safar karna hai
Dil tujhey dard ke do-raahey pe kiyun roke rahey

Khaak milti hamein wehshat ki dawa doori mein
Faasley dil mein nei fasl-e-junoon bo ke rahey

Ko-e tujhsa na ko-e chahaney wala tujhsa
Dil terey baad kisi aur ka kiya ho ke rahey

Tum sulagtey ho gham-e-ishq mein chup-chaap Saeed
Warna is rah mein patthar bhi lahoo ro ke rahey