Fursatein

[Naveed Mufti]

Tumhein jub kabhi milein fursatein,merey dil say bhoj utar do
Mein bohat dinno say udaas hoon,mujhay koi sham udhar do
Mujhay apnayroop ki dhoop do, k chamak sakein maray khal-o-khud
Mujhay apnay rung mein rung do,merey saray zang utaar do
Kisi aur ko merey haal say na gharz hay na koi waasta
mein bikhar gaya hoon samait lo,mein bigar gaya hoon sanwar do
Wahan ghar mein hay kon muntazir,k fikr ho dair sawair ki
bari mukhtasir si yeh raat hay,issi chandani mein guzaar do

[Shahzada Saleem]

apne dil ko donoN aalam se uThaa saktaa huuN maiN
kyaa samajhtii ho ki tumko bhii bhulaa saktaa huuN maiN

kaun tumse chhiin saktaa hai mujhe kya waham hai
Khud Zulekha se bhii to daaman bachaa saktaa huuN maiN

dil meN tum paidaa karo pahle merii sii jurrateN
aur phir dekho ki tumko kyaa banaa saktaa huuN maiN

dafan kar saktaa huuN siine meN tumhaare raaz ko
aur tum chaaho to afsaana banaa saktaa huuN maiN

tum samajhtii ho ki haiN parde bohat se darmiyaaN
maiN yah kahtaa huuN ki har pardaa uThaa saktaa huuN maiN

tum ki ban saktii ho har mahfil meN firdaus-e-nazar
mujh ko yah daava ki har mahfil pe chhaa saktaa huuN maiN

aao mil kar inquilaab taaza paidaa kareN
dahar par is tarah chhaa jaayeN ki sab dekhaa kareN

Majaaz Lakhnawi

[Naveed Mufti]

mairy biikhri hoei sochoon ka sahara bun kr
phir say aajao samndur mein kinara bun kr
na karao koi bhali baat na dilasa do hum ko
ghum he dou chahay hamein pr dou hamara bun kr
is ghum ki siyah raat kay aakash pe tum
phir kisi roz chamak jaao sitara bun kr
mujh ko kuch roz tou is dard say pal laynay do
phir chalay aana naei aafat ka ishara bun kr
tum nay kaiee bar kya kufar o wafa hum say magar
me palat aaya hr ik bar kufara bun kr