 is me.n ko_ii fareb to ai aasmaa.N nahii.n
is me.n ko_ii fareb to ai aasmaa.N nahii.n
bijalii vahaa.N girii hai jahaa.N aashiyaa.N nahii.n
sayyaad mai.n asiir kahuu.N kis se haal-e-dil
sirf ek tuu hai vo bhii meraa ham-zubaa.N nahii.n
tum ne diyaa hamaarii vafaao.n kaa kyaa javaab
ye ham vahaa.N bataaye.Ngetum ko yahaa.N nahii.n
sajde jo but-kade me.n kiye merii kyaa Khataa
tum ne kabhii kahaa ye meraa aastaa.N nahii.n
gum-karadaa raah kii miTTii na ho Kharaab
gard us taraf u.Dii hai jidhar kaaravaa.n nahii.n
kyuu.N shama-e-i.ntazaar bujhaate ho ai "Qamar"
naale hain ye kisii ke sahar kii azaa.N nahii.n |